සඳක් සේ නුඹ පායලා විත්
සිත් අහස් කුස රජ වෙලා
පාළු වී ගිය අඳුරු හිස්තැන්
සෙනෙහසින් නුඹ එළි කලා
වළාකුලකට සැඟවුණා නුඹ
නෙතු අගට කඳුලක් තියා
සදාකල් මම ආදරේ යැයි
කියූ ඔබ ඇයි ගොළු වෙලා
මගෙ පැතූම් පොදි සුණු විසුණු කර
ඔබ ගිහින් අද මා දමා
මලානික රැ අඳුර අතරින්
පිණි වැටෙයි මුළු රෑ පුරා
සිහිනයෙන් ඔබෙ රුව මවා ගමි
හැබැහින් නො එනා නිසා
තෙරපි තෙරපි
ReplyDeleteඉන්න එපා
හදවත ඇතුලේ.......
ඉපිලි ඉපිලි
එන්න එපා
සිතුවිලි සයුරේ.......
සසැලි සසැලි
ඉකිබිඳිනා
කඳුලැලි හමුවේ....
එන්න ඇවිත්
අරන් යන්න
මතකය නුඹගේ
"සදාකල් මම ආදරේ යැයි
ReplyDeleteකියූ ඔබ ඇයි ගොළු වෙලා"
ගොඩාක් වෙලාවට මෙහෙම වෙනවා....
සිහිනයෙන් ඔබෙ රුව මවා ගමි
ReplyDeleteහැබැහින් නො එනා නිසා
හිතට වදිනව බං මේ ටික..
@shadow
ReplyDeleteලස්සන කවි පෙළක්...:)
@ ඉලන්දාරියා
වැඩිපුරම වෙන්නේ මේක තමයි ඉතින් :D...බොහොම ස්තූතියි මෙ පැත්තට ආවට
@සෝරෝ
බොහොම ස්තූතියි...:)